Nihatag og mensahe si Presidente Ferdinand Marcos Jr. ngadto sa mga batan-on, mga estudyante, ug mga ginikanan human sa sunod-sunod nga mga trahedya nga nahitabo sa daghang mga eskwelahan sa nasud.
Nanawagan ang Presidente alang sa kolektibong aksyon aron mapanalipdan ang mga batan-on gikan sa kapintasan, pagpabaya, ug uban pang mga peligro.
Matud niini nga ang mga tunghaan kinahanglan nga mga lugar sa pagkat-on, pagtukod og mga damgo, kalamboan, ug dili usa ka lugar diin ang mga ginikanan mabalaka bahin sa kaluwasan sa ilang mga anak.
Gimandoan usab ni Presidente Marcos ang edukasyon, kapulisan, panglawas, ug mga ahensya sa lokal nga gobyerno nga mas palig-onon ang mga lakang alang sa kaluwasan sa mga estudyante sa tibuok nasud.
Samtang, giawhag usab sa hepe ehekutibo ang mga ginikanan nga mogahin og panahon, atensyon, ug pagsabot sa ilang mga anak tungod kay dinhi magsugod ang tinuod nga proteksyon.
Gipasiugda usab sa Presidente nga ang pagpangayo og tabang dili usa ka timaan sa kahuyang.
