Gikumpirma sa Israeli military nga ilang naguba ang underground infrastructure sa grupo sa Hezbollah sa usa ka baryo sa habagatang Lebanon.
Kini gibasi sa usa ka hiniusa nga pahayag nga gi-isyu nila ni Israeli Prime Minister Benjamin Netanyahu ug Defense Minister Israel Katz.
Gikataho nga gipahibalo sa Israel ang Estados Unidos sa pag-atake sa wala pa kini gihimo. Diin gitarget niini ang usa ka 200-metros (656-feet) nga tunel sa lungsod sa Majdal Zoun.
Ang pag-atake gilunsad duha lang ka adlaw human ang Lebanon ug Israel miuyon sa usa ka kasabutan sa seguridad nga gidumala sa US nga nagtumong sa pagpagaan sa tensyon sa utlanan.
Gikanayon sa Israel nga ang tunel giingong adunay gatusan ka mga armas ug mga launcher.
Gitawag sa Hezbollah ang pag-atake sa Israel nga usa ka dayag nga paglapas sa ceasefire ug giinsistir nga kini hugot nga nagmonitor sa tanan nga mga paglapas ug andam nga depensahan ang iyang yutang natawhan ug katawhan.
Ang lider sa Hezbollah nga si Naim Qassem kusganong misupak usab sa kasabutan sa seguridad, nga iyang giingon nga katumbas sa pagsurender sa Israel ug giinsistir nga ipadayon nila ang ilang armadong pagsukol.
