Labing menos unom ka tawo ang namatay human sa pagpamusil sa usa ka youth welfare center sa siyudad sa Stade Germany.
Nahitabo ang insidente mga alas 12:10 sa udto (lokal nga oras) sa Dankersstrasse, sa kasadpang bahin sa Hamburg.
Sumala sa pulis, ang mga namatay naglakip sa upat ka babaye ug duha ka lalaki, nga pulos mga hamtong.
Usa sa mga biktima namatay samtang nagpa-ilalom sa tambal sa ospital.
Duha ka tawo ang nadakpan, lakip ang gidudahang suspek sa pagpamusil.
Laing indibidwal usab ang giimbestigahan may kalabotan sa insidente.
Wala pa matino sa mga awtoridad ang motibo sa pagpamusil.
Nagpabilin nga gikordon ang maong lugar samtang nagpadayon ang imbestigasyon sa crime scene.
Matud sa pulis, wala na’y hulga sa kaluwasan sa publiko sa maong lugar.
