Nangayo og pasaylo si Australian Prime Minister Anthony Albanese human niya ginganlan ang singer nga si Kylie Minogue isip tubag sa pangutana kon kinsa ang iyang, sa teorya, “ka-shag, pakaslan, ug i-date.”
Si Albanese nigawas sa “Bush Deep” podcast, nga gi-host sa komedyante nga si Nikki Osborne, kinsa nangutana kaniya kon kinsa ang iyang pilion gikan kang Minogue, ang aktres nga si Nicole Kidman o ang performer nga si Rhonda Burchmore.
Tubag niini nga bag-o lang siya gikasal apan nipili gihapon kini nga si Kylie ug dugang pa nga komento niini nga “all of the above” ang aktres gumikan “daw maayo kaayo kini.”
Ang mga komento ni Albanese nakakuha og mga pagsaway, lakip na gikan kang Senador Sarah Henderson, shadow minister sa communications ug digital safety sa oposisyon nga Liberal party.
