Gipasidunggan sila Jericho Rosales ug Maris Racal isip Best Actor ug Best Actress sa ika-9 nga Entertainment Editors’ Choice Awards (The Eddys) nga gipahigayon sa Domingo sa gabii, Hulyo 5, sa Pasay City.
Gidawat ni Jericho ang maong award alang sa iyang papel sa pelikulang “Quezon,” samtang si Maris midaog isip Best Actress alang sa pelikulang “Sunshine.”
Sa iyang acceptance speech, nahimong emosyonal si Jericho samtang naghisgot sa iyang inahan nga adunay Alzheimer’s disease.
Nagpasalamat usab siya sa iyang pamilya ug sa iyang uyab nga si Janine Gutierrez tungod sa ilang padayon nga suporta.
Sa laing bahin, gipasiugda ni Maris ang kahinungdanon sa paglaum ug pagpadayon bisan pa sa mga pagsulay sa kinabuhi.
Giawhag niya ang publiko nga dili mawad-an og pagsalig sa kaugalingon ug magpadayon sa pagbangon.
Kahinumduman nga nalambigit si Maris sa usa ka kontrobersiya niadtong 2024 nga may kalabotan sa iyang nangaging relasyon sa aktor nga si Anthony Jennings.
Samtang, ang pelikulang “Quezon” gipasidunggan usab isip Best Picture, ug si Jerrold Tarog nakadawat sa award isip Best Director.
Ang The Eddys usa ka tinuig nga awarding ceremony nga giorganisar sa Society of Philippine Entertainment Editors (SPEEd) aron pag-ilhon ang talagsaong mga kalampusan ug kontribusyon sa industriya sa pelikulang Pilipino.
