Jericho Rosales, nagpakitabang og pangita sa publiko sa iyahang igsuong na-missing

Nanawagan ang aktor nga si Jericho Rosales sa publiko nga tabangan sila sa pagpangita sa iyang manghod nga si Jermiah, gumikan kay sukad pa niadtong Hunyo 20, wala na igkita ang kanhi actor ug modelo.

Sa usa ka post sa social media sa partner ni Jeremiah nga si Jhen Go, nangayo siya og tabang aron makit-an dayon ang aktor. Katapusan siyang nakita sa Maia Alta Subdivision samtang nagmotorsiklo.

Bag-o lang nakagawas ang aktor gikan sa rehabilitasyon sa miaging tuig tungod sa paggamit og ilegal nga droga.

Sa adlaw sa iyang pagkawala, gikatakda unta siyang ibalik sa rehabilitation facility apan kalit lang siyang nawala.

Samtang giangkon usab ni Go nga sa adlaw sa wala pa siya mawala, nagkalalisay na sila.