Gihangyo ni Senator-Judge Robin Padilla ang pagsumite sa mga kredensyal ni National Bureau of Investigation (NBI) Cybercrime Investigation Unit Senior Agent John Mark Calilung.
Kini human sa hearing niadtong Miyerkules, Hulyo 8, kalabot sa diskusyon sa Article IV sa Articles of Impeachment mahitungod sa alegasyon sa mga grabeng hulga batok kang Bise Presidente Sara Duterte.
Sumala ni Padilla, importante nga ipresentar ang mga kwalipikasyon ug sertipikasyon sa saksi ngadto sa impeachment court aron masiguro ang iyang katakus ug kredibilidad kalabot sa ebidensya ug testimonya nga iyang gipresentar.
Si Calilung usa sa mga saksi nga gipresentar sa prosecution panel sa pagpadayon sa husay sa Bise Presidente. Sa iyang testimonya, iyang gihisgutan ang pipila ka mga dokumento ug digital nga mga materyales nga lakip sa mga ebidensya nga gipresentar batok sa Bise Presidente.
Dugang pa, gipangutana usab ni Padilla ang saksi kung kinsa ang nagrekord sa orihinal nga Zoom meeting nga nahimong kabahin sa ebidensya sa prosekusyon.
Sa nasangpit nga video, makita ang pamahayag ni Bise Presidente Sara kabahin sa giingong pagmando og hitman kung adunay dautang mahitabo kaniya.
