Gilugwayan sa administrasyon ni U.S. President Donald Trump niadtong Biyernes ang mga work permit sa gatosan ka libong mga imigrante nga ubos sa temporary protected status gikan sa Haiti ug laing unom ka nasod, pipila ka oras sa dili pa kini hingpit nga mo-expire.
Sumala sa U.S. Citizenship and Immigration Services, nga kabahin sa Department of Homeland Security, ang mga work permit alang sa mga taga-Haiti nga ubos sa temporary protected status mo-expire na karong Hulyo 24.
Samtang ang mga permit alang sa mga benepisyaryo gikan sa Ethiopia, Syria, Somalia, Yemen, South Sudan, ug Myanmar matapos sulod sa usa ka semana.
Niadtong miaging bulan, nadesisyonan sa U.S. Supreme Court nga mamahimo nang tapuson sa administrasyong Trump ang temporary protected status alang sa mga taga-Haiti ug Syria.
Ang temporary protected status nagtugot sa mga tawo nga anaa na sa Estados Unidos sa pagpabilin sa nasod ug sa pagtrabaho sa legal nga paagi kon ang ilang mga yutang natawhan apektado sa mga kalamidad, armadong panagbangi, o uban pang talagsaong kahimtang.
