Gibarugan sa mga state prosecutors nga walay pagpihig o kadaot sa ilang mosyon nga tangtangon ang kanhi DPWH Secretary nga si Manuel Bonoan gikan sa mga kaso sa graft ug plunder nga iyang giatubang may kalabotan sa mga anomaliya sa flood control projects.
Sa iyang pagpakita sa media human sa usa ka oras nga clarificatory hearing sa mosyon karung adlawa Miyerkules, giklaro ni Assistant State Prosecutor III Reza Casila-Derayunan nga kini dili giisip nga usa ka dakong pagbag-o apan kini naghulagway lamang sa pamaagi o mekanismo sa usa ka aksyon nga giingon na sa orihinal nga impormasyon.
Busa, siya miingon nga kini dili makaapekto o makadaot sa uban. Bisan pa, ang mga abogado sa mga kaubang akusado ni Bonuan misupak sa maong mosyon.
Bisan pa niini, si Fifth Division Chairperson Zaldy Trespeses miingon nga ang mosyon sa state prosecutors “giisip nga gisumite alang sa resolusyon” human sa clarificatory hearing.
Naglaum ang korte nga masulbad ang kaso sa dili pa ang arraignment o pagbasa sa akusasyon batok kang Estrada ug Bonoan sa mga kasong plunder ug graft sa Hulyo 28.
Kahinumduman nga sila si Bonoan, Estrada ug tulo pa ka kaubang akusado nag-atubang og mga kasong graft ug plunder kalabot sa giingong ilegal nga pag-inject sa pundo ug mga alokasyon sa proyekto ngadto sa portfolio sa imprastraktura sa DPWH sa 2025.
