Gikatakdang depensahan ni Ryan Garcia ang iyang WBC welterweight title batok kang Conor Benn sa Setyembre 12, 2026.
Ang away tali sa duha ipahigayon sa T-Mobile Arena sa Las Vegas, sumala sa inisyal nga iskedyul sa away.
Sa pagkakaron, ang ubang mga detalye sa away gi-finalize pa apan sa wala pa kini, ang mga kampo sa duha ka boksidor kaniadto nagpahayag sa ilang interes nga mag-atubangay sa ring.
Gilauamn usab nga hugot ang mahitabong away, labi na kay managlahi ang ilang kahanas sa boksing. Si Garcia adunay usa ka makalilisang nga left hook ug paspas nga mga lihok samtang si Benn nailhan sa iyang bug-at nga mga kombinasyon ug forward pressure.
Hangtod karon, si Garcia adunay rekord nga 25 ka daog ug duha ka pildi. Baynte niini nga mga daog mga knockout.
Ang British boxer nga si Benn adunay parehas nga gidaghanon sa mga daog (25) apan 14 lang niini ang nadaog pinaagi sa knockout samtang siya nakatilaw lang og usa ka pildi.
Duha ka bulan sa wala pa ang away, si Garcia giisip nga usa ka heavy favorite diin ang oddsmakers naghatag kaniya og hangtod sa 75% nga win probability samtang si Benn usa ka underdog.
