Gikumpirmar sa Office of the Vice President (OVP) nga si Bise Presidente Sara Duterte anaa sa overseas trip nga adunay naka-eskedyul nga mga kalihokan sa Qatar, United Kingdom, ug Netherlands tunga-tunga sa nagpadayon niini nga impeachment trial sa Senado.
Apil niini ang pagtambong sa usa ka forum, pakig-uban sa komunidad sa mga Pilipino, ug uban pang mga kalihokan.
Sumala sa OVP, walay pundo sa gobyerno nga gamiton sa tibuok biyahe sa Bise Presidente.
Sa hearing gahapong adlawa, si NBI Director Melvin Matibag ang mitungha isip katapusang saksi sa prosekusyon alang sa Article IV sa impeachment complaint.
Sa miaging adlaw, ang impeachment court nag-isyu usab og subpoena alang sa mga rekord sa bangko ni Duterte, mga dokumento sa buhis, ug mga file sa Anti-Money Laundering Council (AMLC), kalabot sa Article II nga naghisgot sa giingong wala matino nga bahandi.
