Gipasiugda ni Department of Justice (DOJ) Secretary Frederick Vida nga ang mga senador nga nagsilbing Senator-Judges dili angay mabalda sa nagpadayon nga mga imbestigasyon nga gipahigayon sa National Bureau of Investigation (NBI).
Sumala sa kalihim, walay katarungan ang mga magbabalaod nga mabalaka sa mga lihok sa ahensya, tungod kay nagpabilin nga lig-on ug gipadayon ang pagpatuman sa lagda sa balaod (rule of law).
Gipasabot ni Secretary Vida nga ang mga Senator-Judges sa Senate Impeachment Court kinahanglang magpadayon sa ilahang gimbuhaton samtang ang NBI nagpadayon usab sa ilahang mandato nga gukdon ug patubagon ang mga nakalapas sa balaod.
Gidugang niini nga makasalig ang tanan nga ang imbestigasyon nga gihimo sa bureau nagsubay ug gibase lamang sa lig-on nga ebidensya.
Ang maong pahayag giluwat ni Vida human gikumpirma ni NBI Director Atty. Melvin Matibag ang nagpadayong imbestigasyon bahin sa giingong mga “ghost flood control projects” sa Taguig City ug ang posibleng mga iregularidad sa mga proyekto sa Southeast Asian (SEA) Games niadtong 2019.
Dugang pa ni Vida, nagtuo siya nga ang mga posibleng kaso gikan sa maong mga anomaly wala pa ma-prescribe o wala pa mi-expire ang legal nga panahon aron ipasaka kini, ug gikonsiderar gihapon ang mga nangaging nahibal-an o pundo sa maong isyu.
