Gipasigarbo ni Interior and Local Government Secretary Jonvic Remulla nga ang gobyerno wala mohunong sa pagdakop kang Senador Ronald “Bato” Dela Rosa ug kanhi presidential spokesperson Harry Roque.
Matod niya nga ang kapulisan wala mohunong aron hingpit nga mahibal-an ang nahimutangan sa Senador. Diin, nagtrabaho na sila sa daghang mga estratehiya aron mapadali ang manhunt operations.
Katapusang nakita ang Senador niadtong Mayo 13 sa dihang mitambong siya sa usa ka sesyon sa wala pa siya gidagit ni Senador Robin Padilla sa sayong buntag sa Mayo 14.
Gipangita si Dela Rosa human ang International Criminal Court (ICC) nag-isyu og arrest warrant alang kaniya tungod sa war-on-drugs sa panahon ni kanhi Presidente Rodrigo Duterte.
Samtang, si Roque gipangita sa korte sa Angeles City, Pampanga tungod sa kaso sa human trafficking nga may kalabotan sa iyang kalambigitan sa Philippine Offshore Gaming Operator (Pogo).
