Nagpadayon ang Cebu City Police Office sa pagpahingusog sa ilang kampanya batok sa Ilegal nga drugas ug sa uban pang matang sa krimen sa Dakbayan sa Sugbo.
Kini ang gikabutyag ni Acting Cebu City Police Office Director PCOL Ricky Sumalde diin base sa ilang datos ang maong buhatan nakapahigayon ug 253 anti ilegal drugs operation ug nakasikop og 262 ka mga illegal drugs personalities diin 10 niini mga high value individuals (HVI).
Sigon ni Sumalde, nga mas gipahugtan pa ang pagpakatap sa mga sakop sa kapulisan sa Dakbayan aron mapukan ang bisan unsang matang nga kriminalidad.
Sa maong mga operasyon nasakmit sa CCPO ang mga ilegal drugas diin sa kinatibuk-an motimbang kini ug 2,786.55 grams, ug mobalor kini ug dul-an PHP 18, 948,000.00.
Nagpadayon sab ang CCPO sa ilang operasyon batok sa illegal numbers games, sa mga loose firearms, ug sa mga wanted person sa tibuok Dakbayan.
Mipahimangno usab si Sumalde ngadto sa mga nagplano mobuhat ug mga krimen sa dakbayan sa Sugbo nga seryoso ang kapulisan sa pagpatuman sa balaod ug pagsiguro sa kahapsay ug kalinaw sa dakbayan.
