Gipasabot ni Presidente Ferdinand “Bongbong” Marcos Jr. nganong wala gilakip ang pipila ka mga isyu sa iyang ikalimang State of the Nation Address (SONA) niadtong Hulyo 27.
Sa usa ka vlog nga gi-post sa opisyal nga Facebook page sa presidente gipaambit sa presidente ang mga istorya luyo sa iyang SONA, ug matud sa presidente nga kinahanglan niyang pakunhuran ang mga hilisgutan aron dili kaayo taas ang iyang pakigpulong.
Bisan pa niini, miingon ang presidente nga ang dili paghisgot sa pipila ka mga hilisgutan wala magpasabot nga dili kini importante. Gikanayon niini, bantayi lang kadtong wala gilakip karong tuiga sa iyang SONA sa 2027.
Giangkon usab sa Presidente nga adunay mga pagbag-o sa katapusang minuto samtang naghatag siya sa iyang pakigpulong aron mahimong mas klaro ug mas direkta ang iyang mensahe.
Mahinumduman nga ang ikalimang state of the nation address ni Presidente Marcos milungtad og 1 ka oras ug 25 minutos, mao nga ang ubang mga isyu giputol tungod sa konsiderasyon sa oras.
Ang pipila sa mga hilisgutan nga wala gihatagan og gibug-aton o gilakip sa iyang pakigpulong mao ang balaod alang sa kinatibuk-ang pagpataas sa sweldo sa mga trabahante sa nasud.
Ang Anti-Political Dynasty Bill wala usab gilakip sa mga prayoridad nga lakang bisan pa nga kini napasar sa Ubos Balay Balauranan, ingon man sa mga isyu sa tawhanong katungod ug sa butang nga gisang-at sa International Criminal Court (ICC).
