Niabot na sa Manila ang four-time NBA All-Star ug Minnesota Timberwolves star nga si Anthony Edwards alang sa sunod-sunod nga mga kalihokan karong weekend.
Niadtong Huwebes, usa ka brand ang nagpaambit og mga litrato ni Edwards kauban ang pipila ka Filipino content creators nga nagpakaaron-ingnon nga mga NBA player.
Kabahin sa iyang pagbisita ang “Believe That. Tour” Fan Fest, nga ipahigayon sa Agosto 15 sa Bonifacio Global City (BGC).
Kung diin, libre ang kalihokan ug abli kini sa publiko sa 5th Avenue ug C1 Park.
Apil usab sa mga kalihokan ang “Believe That. Challenge,” nationwide 1-on-1 basketball tournament.
Ang mananaog adunay higayon nga makadaog og P100,000 ug makadawat sa championship crown gikan mismo kang Edwards.
Si Edwards, 24, mao ang unang overall pick sa 2020 NBA Draft.
Napili usab siya sa All-NBA Second Team kaduha, nahimong 2026 NBA All-Star Game MVP, ug nakadaog og Olympic gold medal uban sa Team USA sa 2024 Paris Olympics.
