Wala makapugong ang kusog nga ulan sa daghang grupo sa pagprotesta sa Kalaw Avenue sa Manila aron supakon ang Pax Silica initiative sa Capas, Tarlac, gahapon Huwebes, Agosto 13, 2026.
Nagmartsa ang mga nagprotesta gikan sa Kalaw Avenue paingon sa US Embassy, apan gibabagan sila sa mga pulis.
Ang pipila sa mga nagprotesta naggunit og mga karatula nga nanawagan sa pagdili sa pagsulod ni US President Donald Trump, nga ilang gitawag og “war criminal” nga dili dawaton sa nasud.
Sa iyang pakigpulong, gikondena ni Bayan Chair Teddy Casiño ang Estados Unidos tungod sa giingong paggamit niini sa Pilipinas isip lugar alang sa plano nga pagtukod og AI weapons manufacturing hub sa nasud.
Miingon usab siya nga dili angay tuohan ang mga saad sa gobyerno sa Estados Unidos, ilabi na bahin sa depensa batok sa China.
Matud pa niya, walay kalainan kini sa pag-ulog-ulog sa Estados Unidos niadtong 1898 nga motabang kini sa Pilipinas batok sa mga Espanyol.
Gidugang niini, nga posible nga moabot ang panahon nga ang China ug Estados Unidos makaamgo nga nagkunsabo sila ug gigamit ang Pax Silica alang sa kaugalingon nilang interes.
