Lauman nga mosaka ang bayranan sa kuryente sa mga konsumidor sa Luzon, Visayas ug Mindanao tungod sa pagsaka sa mga singil sa transmission karong buwan sa Agosto.
Sumala sa National Grid Corporation of the Philippines (NGCP), ang transmission rate sa Hulyo 2026 billing period misaka og 22.22%, gikan sa P1.4367 ngadto sa P1.7560 kada kilowatt-hour.
Kini tungod sa 30.85% nga pagsaka sa mga singil sa ancillary services, gikan sa P0.7941 ngadto sa P1.0391 kada kilowatt-hour.
Giklaro sa NGCP nga wala silay kita gikan sa mga ancillary services, tungod kay ang mga bayranan direktang gipasa sa mga service provider ug uban pang may kalabutan nga mga entidad.
Ang transmission charge usa ka bayad para sa transmission sa kuryente gikan sa mga power supplier ngadto sa distribution system, nga gibayad sa NGCP.
