Gisurender ni Albuera Mayor Rolan “Kerwin” Espinosa ang iyang mga armas nga walay lisensya ngadto sa lokal nga kapulisan isip pagtuman sa direktiba sa mga awtoridad ug pagpakita sa pagsunod sa balaod.
Sumala ni Espinosa, gisurender dayon niya ang maong mga armas nga walay pagduha-duha human nanawagan ang kapulisan sa pagsurender sa mga loose firearms aron pamatud-an ang iyang responsibilidad isip usa ka responsableng lungsuranon.
Giklaro sa mayor nga iyang tipigan ang iyang mga lisensyadong armas aron magamit alang sa personal nga proteksyon batok sa posibleng mga hulga sa iyang kinabuhi isip pangu sa lungsod sa Albuera.
Ingon man nga wala gitino sa opisyal ang eksaktong gidaghanon o klase sa mga armas nga iyang gisurender sa mga awtoridad.
Kini nga pagsurender nahitabo human sa gipakusog nga kampanya sa kapulisan batok sa mga loose firearms ug ang pagpatuman sa hustong rehistrasyon human sa mga insidente sa pagpamusil nga naglambigit sa mga estudyante ug paggamit sa mga armas sa gobyerno.
