Mikabat na sa 7.5 milyon nga mga tawo ang naapektuhan sa mga bagyong Luis, Maymay ug Neneng ug sa habagat-kasadpang monsoon, sumala sa National Disaster Risk Reduction and Management Council (NDRRMC).
Basi sa pinakabag-ong datos nga natala sa NDRRMC, kini katumbas sa gibana-bana nga 2.1 milyon nga mga pamilya gikan sa Ilocos Region, Cagayan Valley, Central Luzon, Bicol Region, Western Visayas, Zamboanga Peninsula, Cordillera Administrative Region, Metro Manila, Calabarzon ug Mimaropa.
Sa kinatibuk-an, 9,872 ka mga pamilya o 34,103 ka mga indibidwal ang nagpabilin sa mga evacuation center.
Samtang, ang ihap sa mga namatay nagpabilin sa 29, samtang 19 ang nasamdan ug tulo ang gikatahong missing. Ingon man anaa sa 89 ka mga lugar nagpabilin usab nga ubos sa state of calamity.
Adunay usab dakong kadaot sa kabtangan ug panginabuhian.
Sumala sa NDRRMC, 2,600 ka mga balay ang partially damaged samtang 269 ka mga balay ang hingpit nga naguba.
Ang kadaot sa imprastraktura gibanabana nga moabot sa P4.9 bilyon, samtang ang kadaot sa agrikultura natala nga moabot sa P1.7 bilyon.
Taliwala sa nagpadayon nga epekto sa mga kalamidad, ang kantidad sa tabang nga giapod-apod sa gobyerno sa mga apektadong pamilya ug komunidad miabot na sa P1.24 bilyon.
Samtang ang NDRRMC ug mga lokal nga gobyerno nagpadayon sa pagmonitor sa sitwasyon sa mga lugar nga naapektuhan sa
