Nisaka na ngadto sa 579 ang kumpirmadong ihap sa mga namatay tungod sa grabeng pagbaha sa Amihanang Nepal niadtong Miyerkules, Agosto 26, 2026.
Padayon ang search and rescue operations sa Gobyerno sa Nepal alang sa mga tawo nga gikatahong nawala.
Sumala sa Nepal National Disaster Risk Reduction and Management Authority, 1,924 ka tawo ang gikatahong missing, lakip ang 575 ka langyaw.
Moabot usab sa 15,000 ka security personnel ang gipadala aron motabang sa nagpadayon nga search and rescue operations.
Lakip sa mga gikatahong nawala ang usa ka Pilipino nga giila nga si Juan Carlos Manalo, kinsa nalista sa opisyal nga talaan sa Nepal Department of Tourism isip miyembro sa usa ka “trekkers society.”
Samtang, nangayo og tabang ug impormasyon ang iyang igsoon nga si Chaira Manalo aron mahibal-an ang nahimutangan ni Juan Carlos.
