Gideklara ni Nepal Prime Minister Balendra Shah ang Septiyembre 7 isip National Day of Mourning, nga motakdo sa ika-13 nga adlaw sukad sa makamatay nga pagbaha nga miigo sa utlanan sa Nepal ug Tibet niadtong Agosto.
Sumala sa tradisyon sa Hindu, ang ika-13 nga adlaw nagtimaan sa pagtapos sa panahon sa pagbangotan.
Kabahin niini ang Shraddha, usa ka ritwal nga gituohang makatabang sa pagpahulay sa kalag sa namatay ug pagputol sa ilang koneksyon sa kalibutan.
Base sa datos sa Nepal National Disaster Risk Reduction and Management Authority, miabot na sa 1,259 ang ihap sa mga namatay tungod sa pagbaha.
Sa maong gidaghanon, 95 pa lamang ang positibong nailhan ug nauli na sa ilang mga pamilya.
Samtang, gibanabana nga 4,216 ka mga tawo ang gikatahong missing, samtang mokabat sa 7,500 ka mga balay ang nadaot tungod sa trahedya.
