Mga Nepalese, nabalaka sa pahimangno sa China sa laing pagbaha

Nabalaka apan padayong nangandam ang mga Nepalese sa pahimangno sa mga otoridad sa China nga taas ang tsansa sa laing pagbaha human namugna ang usa ka artificial lake sa utlanan sa China ug Nepal tungod sa rockslides.

Basi sa taho nga posible pang moabot sa 3-million cubic meters nga tubig ang mudagayday sa naasoy nga lawa sa musunod nga tulo ka mga adlaw tungod sa padayong pag-ulan.

Kung mulanap na ang lawa, posibleng mobanlas na usab ang dakong volume sa tubig nga posibleng maghatud og dugang mga pagbaha ug kadaut.

Giklaro usab niini nga dili tourist spot ang dapit nga nahitabuan tungod kay agi-anan lamang kini sa mga turistang gikan sa China nga modalikyat sa maong dapit alang sa white water rafting ug hiking.