Gipasidan-an sa Bangko Sentral ng Pilipinas o BSP ang Department of Agriculture o DA bahin sa posibleng epekto sa grabeng hulaw tungod sa El Niño sa suplay ug presyo sa pagkaon sa nasud, dugang pa sa nagpadayon nga kagubot sa global nga merkado sa bugas.
Gipataas sa BSP ang key interest rate og 25 basis points isip lakang batok sa inflation ug wala usab gisalikway ang dugang nga monetary measures kung magpadayon ang pagsaka sa presyo sa mga batakang palaliton.
Gikataho nga mikunhod og 4.85 porsyento ang produksyon sa bugas niadtong 2024, samtang misaka og 21 porsyento ang All Rice Price Index niadtong 2023.
Samtang, gimandoan ni Agriculture Secretary Francisco Tiu Laurel Jr. ang mga ahensya sa DA nga palig-onon ang mga lakang batok sa epekto sa El Niño.
Kini naglakip sa cloud seeding, solar irrigation, drought-resistant seeds, crop insurance, ug pinansyal nga tabang alang sa mga apektadong mag-uuma.
