Niubos ngadto sa usa na lang ka tawo ang gidaghanon sa mga tawo nga nawala human sa dakong kalit nga pagbaha sa Grand Canyon sa Estados Unidos, human nakontak sa US Park Rangers ang kapin sa dose ka mga tawo nga gitaho kaniadto nga nawala.
Niadtong Sabado, mibundak ang kusog nga ulan sa amihanang bahin sa dakong sinkhole, hinungdan sa pag-agos sa tubig, mga bato, ug mga debris subay sa usa ka sikat nga hiking trail, nga nagbanlas sa mga campsite sa Bright Angel Canyon ug sa palibot sa makasaysayanong Phantom Ranch.
Duha ka lalaki ang nakumpirma nga namatay ug na-rekober na ang ilang mga lawas sa mga search and rescue team samtang ang mga rescuer nagpadayon sa pag-imbestiga kung aduna bay dugang mga tawo nga naanod sa usa sa labing inila nga atraksyon sa nasud.
Apan niadtong Lunes sa gabii, si Dave Black sa National Park Service mipahibalo nga halos tanan nga mga tawo nga natanggong sa canyon nakit-an na ug usa na lang ka tawo ang nagpabiling missing.
