Air Quality sa Sugbo, nagpabiling “Acutely Unhealthy”

Nagpabilin nga “Acutely Unhealthy” ang kalidad sa hangin sa Sugbo sa ulahing taho sa nagpadayon nga monitoring sa Environmental Management Bureau Region VII (EMB-7) taliwala sa gitaho nga haze nga nakaapekto sa rehiyon.

Diin ang Metro Cebu Ambient Air Quality Monitoring Station nakatala og PM2.5 Air Quality Index (AQI) nga 241, nga giklasipikar nga “Acutely Unhealthy.”

Busa, padayon usab nga gitambagan ang publiko nga limitahan ang paggawas, samtang ang mga indibidwal nga adunay sakit sa kasingkasing o respiratoryo, lakip ang hubak, giawhag nga magpabilin sa sulod sa balay ug mopahulay kutob sa mahimo.

Ingon man nga ang mga dili kinahanglan nga biyahe kinahanglan usab nga i-postpone.