Makigsangka ang Filipino tennis superstar nga si Alex Eala kang Janice Tjen sa Indonesia sa iyang homecoming match karong Disyembre 8 sa Philippine Arena sa Bulacan.
Sa usa ka video message, si Eala miingon nga iyang atubangon si Tjen sa usa ka exhibition match nga giulohan og “Alex Eala Live: Game. Set. Celebrate” nga giorganisar sa Tatler Sports sa pinakadakong arena sa nasud nga adunay kapasidad nga kapin sa 50,000.
Giawhag ni Eala ang mga Pilipino nga mangandam alang sa usa ka dili malimtan nga adlaw sa world-class tennis ug ang pagsaulog sa nasudnong garbo, nga gidisenyo aron madasig ang sunod nga henerasyon sa mga Pilipinong player sa tennis.
Sa pagkakaron, si Eala naa sa No. 18 sa WTA rankings, ang pinakataas sa mga player gikan sa Southeast Asia.
Si Eala ug Tjen nagtinabangay na sa doubles event sa Abu Dhabi Open diin nakaabot sila sa semifinals./////
Nakasulod si Eala sa ikatulong hugna sa US Open human niya gipildi si Mary Stoiana sa unang hugna, 6-1, 6-2, ug si Oleksandra Oliynykova, 6-1, 6-4, sa ikaduhang hugna.
Sunod nga atubangon ni Eala ang iyang suod nga higala nga si Iva Jovic ugma, Domingo, alas 7:00 sa buntag, oras sa Pilipinas.
