-- ADVERTISEMENT --
Nakigtagbo si Presidente Ferdinand R. Marcos Jr. sa mga representante gikan sa Rail India Technical and Economic Service aron hisgutan ang interes sa kompanya nga moapil sa tulo ka dagkong proyekto sa riles sa Pilipinas.
Tumong sa maong pakig-alayon ang pagpalig-on sa kooperasyon sa sektor sa riles ug ang pagpadali sa mga importanteng proyekto sa riles sa nasud, lakip na ang Mindanao Railway, Cebu Mass Transit, ug ang Philippine National Railways (PNR) South Long Haul.
Gipadayag usab sa Rail India Technical and Economic Service ang ilang kaandam nga ipaambit ang ilang teknikal nga kahanas ug kasinatian aron makatabang sa pagpadali sa mga proyekto sa riles sa Pilipinas.
