Mibutyag si Rep. Percival Cendaña nga kinahanglang hataga’g pagtagad sa mga senator judges ang mga baruganan nga gipadangat sa mga kanhi Chief Justices nga mitambong niadtong adlawng Miyerkules, Setyembre 16, 2026 sa Impeachment trial ni Vice President Sara Duterte.
Kini human nga 3 ngadto sa 4 ka mga kanhi Chief Justices ang pareho og baruganan nga dili “absolute” ang 16 votes nga threshold sa pagpa-convict sa usa ka akusado sa impeach trial, inay 2/3 votes ang anaa nga nakalatid sa constitution.
Sigon ni Cendaña nga klaro ug tataw ang nahitabong pag-convene sa “amici curiae” nga ang tumong sa nakalatid sa constitution mao ang pagpanubag sa mga opisyal hilabina kung adunay nakitang mga kuwestiyonable nga mga kabtangan o paggasto sa kwarta sa katawhan.
Matud usab niini, nga kinahanglang magdesisyon na ang senate impeachment court kung unsaon nila paghubad ang mismong probisyon maylabot sa threshold ug angayang klaruhon ang rules niini, gumikan kay nakalatid sa batakang balaod nga walay laing makapatuman sa impeachment rules kun dili ang senado lamang, nga gisigundahan usab sa pipila ka mga former chief justices.
Gihimug-atan ni Cendaña nga ang labing pinaka importante nga angayang hataga’g tubag sa mga senador mao ang kung kinsa sa mga senador ang kwalipikado, legal og angayan nga makabotar sa impeachment court aron sa higayon, madeterminar na ang denominator sa maong threshold.
