Nakatala og bagong Guinness World Record ang usa ka dako nga Slim Jim sa Nebraska, United States human miabot sa 429 feet ug 5.4 inches o labaw sa 130 metros ang katas-on niini.
Gipagawas ang maong record-breaking nga Slim Jim niadtong Setyembre 9 sa campus sa Conagra Brands sa Omaha, Nebraska, ug opisyal nga gikumpirma sa usa ka adjudicator sa Guinness World Records nga kini ang opisyal nga pinakataas nga meat snack sa tibuok kalibotan.
Miabot sa kapin 116 feet o sobra 35 metros ang gitas-on niini kumpara sa nagkupot sa kanhing rekord.
Matod sa “Blaze Crew,” ang grupo nga nagbuhat sa maong dako nga Slim Jim, gipakasiguro nila nga parehas ra gihapon ang recipe ug lami niini sa ordinaryong Slim Jim.
Una kini nga gipahimutang o giligid sa usa ka dako ug nagligid nga wire rack sa dili pa kini hinay-hinay nga gibuklad ngadto sa mga lamesa nga gipanalipdan sa parking area aron ipakita ang tibuok nga gitas-on niini.
Gipahayag usab sa Conagra Brands nga ang rekord nga nakab-ot sa Slim Jim resulta sa pagkamamugnaon, kaabtik sa panghunahuna, ug dedikasyon sa ilang tibuok nga grupo.
