Lakam Chiu, nakagawas sa bilanggoan human nakapiyansa og P5.6 milyon sa kasong qualified theft

Temporaryong gipagawas si Lakambini “Lakam” Chiu human siya nakapiyansa og kantidad nga P5.6 ka milyon.

Gikumpirma sa Bureau of Jail Management and Penology (BJMP) nga gipagawas si Chiu human sa iyang arraignment sa Quezon City Court.

Matod sa iyang abogado nga si Atty. Dominic Solis, mitambong si Lakam sa arraignment pinaagi sa teleconferencing.

Mideklarar siya nga “not guilty” o dili sad-an sa kasong qualified theft.

Kahinumdoman nga gikiha si Lakam sa iyang igsoon nga si Kim human nawala ang minilyon ka pesos gikan sa ilang kompanya nga Little Bunny Philippines.