Magsugod karong adlawa, Setyembre 26, ang pagpatuman sa dugang nga P60 nga inadlaw nga sweldo alang sa mga minimum wage earners sa National Capital Region (NCR), ubos sa Wage Order No. NCR-28.
Gibanabana nga kapin sa 1.1 ka milyon ka mga mamumuo sa Metro Manila ang makabenepisyo sa maong usbaw sa suholan.
Tungod niini, gipahinumdoman sa Department of Labor and Employment (DOLE) ang mga amo ug mga establisemento nga tumanon ang bag-ong wage rates sa pagsugod sa implementasyon sa maong wage order.
Giabi-abi sa Federation of Free Workers (FFW) ang pagtaas sa sweldo, apan gipasiugda niini nga dili pa gihapon kini igo aron masagubang ang padayon nga pagsaka sa presyo sa mga batakang palaliton ug uban pang galastohan sa mga mamumuo.
Ubos sa Wage Order No. NCR-28, ang minimum nga sweldo sa NCR mosaka isip kabahin sa wage adjustment nga giaprobahan sa Regional Tripartite Wages and Productivity Board.
