Makadawat na ang mga mamumuo sa National Capital Region (NCR) og dugang P60 saa ilang inadlaw nga sweldo sugod sa Setyembre 26, human gilatid sa Department of Labor and Employment (DOLE) ang Wage Order No. NCR-28.
Subay sa bag-ong wage order, ang minimum nga inadlaw nga sweldo alang sa mga mamumuo sa sektor nga dili pang-agrikultura mosaka gikan sa P695 ngadto sa P755. Ingon man nga ang mga mamumuo sa sektor sa agrikultura makadawat usab sa samang P60 nga usbaw sa sweldo.
Matod sa DOLE, ang maong usbaw nagtumong sa pagpausbaw sa kapasidad sa mga mamumuo sa pagpalit ug pagpalambo sa mas inklusibo nga pagtubo sa ekonomiya, subay sa pasalig sa administrasyon ni Presidente Ferdinand R. Marcos Jr.
Giaprobahan ang wage order sa Regional Tripartite Wages and Productivity Board sa NCR (RTWPB-NCR) human gisunod ang gitakdang proseso sa tripartite wage-setting.
Gipahinumdoman sa DOLE ang mga amo nga ipatuman ang bag-ong minimum nga sweldo inig-epekto niini karong Septyembre 26, samtang gipasalig nga hugot nga bantayan sa ahensya ang pagsunod sa bag-ong direktiba.
