Gipasiugda sa Traffic Enforcement Agency of Mandaue (TEAM) ang bag-ong gihan-ay nga sistema sa trapiko ug parking sa dakbayan alang sa gipahigayon nga aktibidad.
Sumala kay Hyll Retuya, team head sa TEAM, sirad-an ang PND extension ug ang dalan gikan sa Mandani Bay nga nag-cross sa CDO-Cebu alang sa parking sa mga sakyanan, ingon man nga idedikar usab ang PNB Road alang sa parkingan.
Gipahayag usab ni Retuya nga magpadala sila og dul-an 30 ka personnel aron motabang sa pagdumala sa parking, gawas sa pagpahimutang sa ilang mga mobile asset sa lugar.
Dugang pa niya, gitan-aw usab nila ang pamaagi alang sa parking sa mga VIP ug mga bus human nasayran nga walay parkingan sa sulod sa complex premises.
Subay niini, misaad ang TEAM nga magpabilin ang ilang mga tawo sa dapit aron mogiya ug motabang sa mga drayber ug VIPs kon asa ang saktong parkingan. via Bombo Crisle Adlawan
