Human sa taas nga panahon nga nagkabulag, mibalik na si Mary Jane Veloso sa iyang panimalay sa Barangay Caudillo, Cabanatuan City, Nueva Ecija, human gihatagan og “absolute pardon” o hingpit nga kapasayloan.
Paglabay sa usa ka adlaw gikan sa iyang paggawas, usa sa mga unang gibuhat ni Veloso mao ang pagtambong sa Misa uban sa iyang pamilya sa Sta. Catalina Convent sulod sa campus sa Siena College sa Quezon City.
Gibutyag ni Veloso nga giuna niya pagpangita ang iyang mga ginikanan human siya nakagawas tungod kay naghinam-hinam siya nga makauban ug makagakos kanila.
Pizza, ang usa sa mga unang pagkaon nga iyang gikaon, samtang nagpaabot usab siya sa mga pagkaon nga luto sa balay nga giandam sa iyang pamilya.
Nipadayag usab siya og pasalamat kang Presidente Ferdinand Marcos Jr. sa paghatag kaniya og “absolute pardon.”
Kahinumdoman nga hapit duha ka tuig siyang nabilanggo sa Correctional Institution for Women una niya nadawat ang maong kapasayloan.
Niadtong 2015, human mitahan ang giingong ilegal nga recruiter ni Veloso sa Pilipinas, ang kanhi Presidente nga si Benigno Aquino III mihangyo sa Indonesia nga dili ipadayon ang iyang execution. Dugay nang nagbarog si Veloso sa iyang pahayag nga wala siya masayod nga adunay ilegal nga droga sa iyang bagahe sa dihang gidakop siya sa Indonesia.
