Gisumite ni House private prosecutor Atty. Theodore “Ted” Te ang Offer of Testimony alang sa testimonya ni Davao City Mayor Sebastian “Baste” Duterte, kinsa mitindog sa witness stand Martes, Setyembre 29, 2026, atol sa impeachment trial ni Vice President Sara Duterte.
Human nanumpa si Baste, pormal siyang gideklarar sa impeachment court isip hostile witness, nga nagtugot sa prosekusyon nga mogamit og leading questions atol sa direct examination.
Gipunting sa prosekusyon ang testimonya ni Baste sa mga transaksyon sa GenCorp Industries Inc. ug sa Davao City government. Ang GenCorp mao ang kompanya nga gideklarar ni VP Sara Duterte nga adunay iyang business interest sa iyang 2024 ug 2025 SALNs.
Gipaabot sa prosekusyon nga makatabang ang testimonya ni Baste sa pagpatin-aw sa mga transaksyon sa GenCorp ug sa mga isyu nga nalambigit sa Article II, nga nagtutok sa alegasyon sa unexplained wealth ug mga interes sa negosyo nga gideklarar sa Bise Presidente.
Sa pikas bahin, misupak ang abogado sa depensa nga si Atty. Justin Gular sa hangyo sa prosekusyon nga ideklarar si Davao City Mayor Sebastian “Baste” Duterte isip “hostile witness.”
Matud ni Gular, dili igo nga basehan ang mga pahayag ni Duterte bahin sa politika aron mapamatud-an nga hostile siya ngadto sa impeachment court.
Dugang pa niya, ang pagtuo sa prosekusyon nga pareho og baruganan ang respondent ug si Duterte nakabase lamang sa ilang panglantaw ug dili sa aktuwal nga testimonya sa mayor.
Gipasabot usab ni Gular nga ang pagtambong ni Duterte sa hearing human gipagawas ang subpoena nagpakita sa iyang kaandam nga motestigo.
Gipasiugda sa abogado nga adunay kagawasan ang usa ka saksi sa pagdesisyon kung motestigo ba o dili, ug klaro usab nga gipahayag ni Mayor Duterte nga girespeto niya ang subpoena.
