Gidayeg sa Kagamhanan sa Dakbayan sa Sugbo ang nahimong kontribusyon sa pagpalambo sa lokal nga turismo ug sa promosyon sa kasaysayan ug kultura ang Gabii sa Kabilin atol sa pagbukas sa ilang preparasyon alang sa ika-20 ka tuig nga kasumaran niini sunod tuig sa Mayo 2027
Kini ang gipamahayag ni Cebu City Mayor Nestor Archival atol sa kickoff ceremony sa maong kalihukan diin iyang gipunting ang pagpalambo sa lokal nga turismo ug sa natampo niini sa economic drive sa Sugbo matag pagpahigayon niini sukad 2007.
Ang Gabii sa Kabilin usa ka inisyatiba sa Ramon Aboitiz Foundation Inc. sa pagkig alayon sa Cebu City Govt. diin adunay usa ka gabii nga ipasigarbo ang kasaysayan ug kultura sa Sugbo pinaagi sa pagbukas sa mga museo, heritage sites, ug mga makasaysayang lugar ngadto sa publiko
Matud pa ni Mrs. Estee Marie P. Plunket, Event Chairperson and Executive Sponsor sa Gabii sa Kabilin, diin iyang gihimug-atan nga sulod sa 20 ka tuig daghan nang mga kalesa drivers, entepreneurs ug uban pa ang natabangan sa maong event.
Gihatagan ug dakong importansya ang nahimong suporta sa kagamhanan sa Dakbayan sa Sugbo, mga pribadong institusyon, ug sa uban pang sektor alang sa dakong kalampusan sa ika-20 ka tuig sa Gabii sa Kabilin nga nagatumong sa pagpasigarbo sa kasaysayan ug kabilin sa mga Sugboanon.
