Naapektuhan na ang kapin 500 sa 3,700 ka high school sa France tungod sa nagpadayon nga mga protesta sa mga kabatan-onan kalabot sa ilang mga reklamo sa kahimtang sa sektor sa edukasyon.
Base sa mga bag-ong taho, liboan ka mga nagprotesta ang nakig-engkwentro sa riot police, samtang gitaho usab ang mga sunog sa pipila ka kadalanan taliwala sa nagkagrabeng kagubot.
Niadtong Biyernes, usa ka 17-anyos ang gikatahong gidakop tungod sa pasangil nga misulay sa pagpatay sa usa ka opisyal.
Gikataho usab nga 170 ka estudyante ug kapin 65 ka kawani sa mga eskwelahan, lakip ang 40 ka high school principals, ang naangol atol sa mga protesta.
Mokabat usab sa 100 ka eskwelahan ang giingong grabeng nadaot tungod sa kagubot.
Nagsugod ang mga protesta sa Paris, ang kapital sa France, sa wala pa kini mikaylap ngadto sa ubang dagkong siyudad sama sa Montpellier, Nantes ug Marseille.
Lakip sa mga reklamo sa mga estudyante ang giingong kakulang sa mga magtutudlo ug dili igo nga mga pasilidad sa mga eskwelahan, nga ilang gipasabot nga nakapalisod sa paghatag og hapsay nga serbisyo sa edukasyon.
