Gipagawas na sa Asian Contents & Film Market kon ACFM sa Busan, South Korea, ang opisyal nga trailer sa salidang “Ang Florante at Laura ni Balagtas” o “Florante and Laura,” nga gihimo sa FEAST Foundation.
Dungan kini nga ipasalida sa Pilipinas pinaagi sa YouTube ug Facebook Video Premiere, uban sa temang “Love, our last revolution,” diin tumong sa salida nga ipabalik sa panumdoman sa mga tumatan-aw ang walay paghupas nga sugilanon sa gugma, pagbudhi, ug kaisog sa pagbungkag sa pagkabahinbahin sa katilingban.
Gibituonan kini nila ni JC de Vera isip Florante, Shaina Magdayao isip Laura, Royce Cabrera isip Aladin, ug Gillian Vicencio isip Flerida, uban sa ubang mga aktor, ubos sa pagsulat ug pagdumala ni Alvin Yapan.
Gikan sa klasiko nga obra sa Pilipinong magbabalak nga si Francisco Balagtas, dad-on sa salida ang mga panagbangi ug pagbati nga nagpabiling may kalabotan sa kasamtangang panahon, lakip ang pagsalig, pagpanalipod sa gituohan, ug pagpadayon sa kalooy taliwala sa pagdumot ug pag-ilog sa gahom.
