Gipadayag sa Philippine Drug Enforcement Agency (PDEA) nga usa ka politiko gikan sa Mindanao ang gituohang nagpondo sa usa ka biyahe sa eroplano nga misulay sa pagdala og mga ilegal nga droga gikan sa Laos.
Wala gibutyag sa PDEA ang pagkatawo sa maong politico inay gipahibalo lamang niini nga adunay gibayran alang sa usa ka giabangan nga pribadong jet nga gituyo aron sa pagdala sa 521 ka kilo sa gituohang methamphetamine o shabu.
Nasakmit sa mga awtoridad sa Laos ang mga droga sa Luang Prabang International Airport human nagdumili ang piloto sa pribadong jet sa pagpadayon sa biyahe.
Samtang ang ka suspek nga gidakop, nailhan sa alyas nga “Fajad”, usa ka Pilipino nga naghupot sa gituohang ilegal nga mga droga.
Giila usab sa PDEA ang laing Pilipino nga maoy naghan-ay sa biyahe alang sa ilegal nga kargamento hinuon, kini nga indibidwal nakabiya na sa nasud.
Dugang pa, nailhan na sa PDEA ang utok luyo sa operasyon, kinsa nalambigit sa Sam Gor drug syndicate, usa ka dakong organisasyon nga responsable sa pag-apod-apod sa mga ilegal nga droga sa tibuok rehiyon sa Asia-Pacific.
