Gisaulog sa aktor nga si Marvin Agustin ang ika-30 nga anibersaryo sa iyang love team nga “MarJo” uban sa aktres ug singer nga si Jolina Magdangal, nga nailhan sa ilang mga proyekto sa dekada ’90.
Gipaambit ni Marvin ang nagkalain-laing litrato nilang duha nga nagpakita sa ilang panag-uban sulod sa daghang katuigan.
Nagpahayag usab siya sa iyang pagpasalamat kang Jolina alang sa 30 ka tuig nga puno sa nindot nga mga handumanan.
Gipasalamatan usab niya ang ilang mga fans nga padayong nagsuporta ug nahimong kabahin sa ilang istorya isip usa ka love team.
Mitubag usab si Jolina sa post ni Marvin pinaagi sa comment section sa maong social media platform.
Nahimong usa sa mga sikat nga love team sa Pilipinas niadtong dekada ’90 ang tambalanan nila Marvin ug Jolina. Lakip sa ilang mga pelikulang nahimong popular mao ang “Hey Babe!” ug “Labs Kita… Okey Ka Lang?”
Bag-ohay lang, nagbalik ang tambalanan sa duha sa big screen pinaagi sa pelikulang “Ex Ex Lovers” nga gipagawas niadtong 2025.
