-- ADVERTISEMENT --
Naghimo og kasaysayan ang Filipino dance team nga “Legit Status Varsity.”
Kini human nila nakuha ang bulawang medalya sa “18-and-Under Advance Category” atol sa UDO World Finals.
Sila ang unang grupo gikan sa Pilipinas nga midaog niini nga kompetisyon, nga gipahigayon sa Blackpool, United Kingdom.
Ang grupo gitukod niadtong 2009 sa coach ug artistic director nga si Vimi Rivera, ug gilangkuban kini sa 23 ka batan-ong mga mananayaw.
Nagbansay ang grupo sa GC Dance Studios sa Cubao, Quezon City.
-- ADVERTISEMENT --
Kining bag-ong kadaugan midugang sa ilang mga nangaging kalamposan, nga naglakip sa bulawang medalya sa “Under-16 category,” silver medal sa “Adult MegaCrew Division,” ug ang SOAR Street Dance Championship sa World Finals sa Manchester.
