Mibisita sa Pilipinas ang professional pickleball star ug world no. 2 ace nga si Anna Bright alang sa duha ka adlaw nga pagpabilin sa Manila niadtong Lunes ug Martes.
Isip higayon nga makig-uban sa mga lokal nga mahiligon sa pickleball, mainitong gidawat si Bright sa mga fans, diin nakigdula pa gani siya og pipila ka mga duwa uban sa pipila kanila.
“The Filipino pickleball community here has been so, so, so incredible,” matod ni Bright.
Gipasiugda usab sa ikaduha sa ranggo sa kalibutan ang potensyal sa pickleball sa nasod, nga naghisgot sa nagkadaghan nga mga korte ug nagkataas nga interes sa pagtan-aw sa maong dula—mga timailhan, matod niya, nga nagpakita sa mas lapad nga pagdawat sa dula, dili lang sa Pilipinas apan sa tibuok Asya.
Ang pagbisita ni Bright nahitabo dungan sa mga pagpangandam sa nasod alang sa pag-host sa unang mga kalihokan sa PPA Asia Tour. Ang PPA 125 gikatakda karong Enero 14–18, 2027, nga sundan sa PPA 500 Manila Open, nga ipahigayon gikan sa Pebrero 25–28, 2027, sa Pasig City.
Gikanayon ni sports executive ug former chairman sa Philippine Sports Commission Dickie Backmann nga ang pag-host og mga internasyonal nga torneyo sa pickleball sa nasod usa ka dakong oportunidad aron madala ang dula nga mas duol sa mga lokal nga magduduwa—diin daghan kanila kaniadto kinahanglan pang mobiyahe sa gawas sa nasod aron makigkompetensya.
