Gisugdan na sa American rapper nga si Macklemore ang iyang “Free Palestine” tour didto sa Dublin, Ireland.
Nahitabo kini taliwala sa kontrobersyal nga desisyon sa British singer nga si Ed Sheeran nga tangtangon ang maong rapper gikan sa iyang tour sa miaging bulan.
Miabot sa kapin 13,000 ka mga fan ang mitambong sa gipahigayon nga konsyerto sa rapper sa 3Arena sa Ireland.
Ang rapper kansang tinuod nga ngalan mao si Benjamin Haggerty dinalian nga nagpahibalo bahin sa iyang kaugalingong konsyerto pipila lang ka adlaw human siya gitangtang ni Sheeran gikan sa “Loop Tour.”
Nahitabo ang pagtangtang kaniya tungod sa iyang mga pampublikong pahayag pabor sa Palestine nga gipadayag samtang nag-perform sa entablado.
Subay niini, nakadawat si Macklemore og bug-at nga pagsaway gikan sa nagkalain-laing Jewish groups tungod sa iyang mga komento bahin sa nagkataas nga gidaghanon sa mga nakalas sa nagpadayong gubat sa Israel ug Gaza.
