Nakuha sa Democratic Party ang kontrol sa duha ka kapulungan sa Kongreso sa Estados Unidos, human nakuha ang mayoriya sa lingkuranan sa Senado ug House of Representatives, nga maghatag kanila og gahum sa pagdumala sa Kongreso hangtod matapos ang termino ni US President Donald Trump.
Nakapahimulos ang mga Democrats sa sunod-sunod nga wala damhang kada-ugan sa pipila ka tradisyonal nga balwarte sa Republican Party, lakip na sa mga estado sa Texas, Kansas ug Ohio.
Ang maong resulta nagtimaan sa dakong pagbag-o sa balanse sa gahum sa Kongreso sa Estados Unidos, nga posibleng maka-apekto sa pagpatuman sa mga polisiya ug legislative agenda sa administrasyong Trump.
Samtang sa iyang unang pamahayag human mogawas ang mga resulta sa eleksyon, nag-post gilayon si Trump sa social media nga wala siya ma-apil sa balota ug kung midagan pa siya, dako matud pa ang ilang tsansa alang sa kadaugan.
