Gipapangayoan ni US President Donald Trump og pasaylo ang NBA star nga si LeBron James, tungod sa giingong pagpakita niini og kawalay pagtahod sa nasudnong awit sa Estados Unidos.
Matod ni Trump, ang bida sa Philadelphia 76ers wala mihunong sa iyang gibuhat samtang gipatugtog ang nasudnong awit.
Nahitabo ang insidente samtang nagpraktis ang player sa pag-swing sa golf ug pag-shoot sa basketball sa wala pa ang duwa batok sa New York Knicks.
Gipadayag ni Trump nga nagpakita og kawalay pagtahod ang NBA star ngadto sa nasud, busa angay kining mangayo og pasaylo gikan sa mga bayani sa nasud ug sa mga “Great American Warriors.”
Kaniadto pa gisaway ni Trump si James; niadtong 2018, gitawag pa gani niya ang atleta nga “unknowledgeable” human gipadayag ni James nga wala siyay intensyon nga molingkod tupad kaniya.
Si James usab, sa iyang bahin, nag-akusar kang Trump nga usa ka “racist.”
Samtang, niadtong Hulyo, gihinganlan ni Trump si Michael Jordan isip labing maayong magduduwa sa basketball sa tibuok kalibutan.
