Mitambong si Senador Robin Padilla sa usa ka preliminary investigation sa Department of Justice (DOJ) may kalabotan sa reklamo nga “obstruction of justice” nga gisang-at batok kaniya.
Inubanan sa iyang abogado nga si Atty. Henry Balteza, misumiter siya og “counter-affidavit” nga naglangkob og 33 ka pahina.
Gihimug-atan sa senador nga walay basehan ang maong reklamo, tungod kay walay balido ug opisyal nga “arrest warrant” nga giisyu ang lokal nga korte batok kang Senador Ronald Dela Rosa niadtong higayona nga misakay siya sa sakyanan ni Padilla.
Ang reklamo nga gisang-at sa Philippine National Police (PNP) batok kang Padilla naggikan sa mga alegasyon nga gitabangan niya si Dela Rosa nga makagawas sa “compound” sa Senado niadtong Mayo, nga gituohang gihimo aron malikayan ang “arrest warrant” nga giisyu sa International Criminal Court (ICC).
Gikatakdang mobalik si Padilla sa DOJ karong Nobyembre 27 alang sa pagpadayon sa “preliminary investigation”.
