Ihap sa mga unemployed sa nasud, misaka sa 2.86 milyon — PSA

Nakita sa bulan sa Septyembre ang gamay nga pagsaka sa gidaghanon sa mga walay trabaho sa nasud, sumala sa Philippine Statistics Authority niadtong Biyernes, Nobyembre 6.

Nagpakita ang kasamtangang datos nga ang unemployment rate misaka ngadto sa 5.4% sa Septyembre, nga naglangkob sa 2.86 ka milyon ka mga tawo.

Mas taas kini og gamay kaysa sa 5.3% nga natala niadtong Agosto, nga katumbas sa 2.77 ka milyon ka mga Pilipino nga walay trabaho.

Sa laing bahin, ang underemployment rate alang sa maong bulan nakasinati og gamay nga pagkunhod, diin miubos kini ngadto sa 11%—katumbas sa 5.56 ka milyon ka mga Pilipino—gikan sa 11.9% nga natala niadtong Agosto.