Gibutyag sa Cebu Provincial Police Office, nga posibleng adunay gikalambigitan nga third party, ang nahimong rason sa pagpatay sa usa ka 41-anyos nga babaye, sa usa ka lalaking nagsakay og motorsiklo diha sa V. Rama Avenue sa Barangay Calamba, Siyudad sa Sugbo, pasado alas 11 sa buntag niadtong Martes, Nobyembre 10.
Matud ni Police Lieutenant Colonel Gerard Ace Pelare, ang spokesperson sa Cebu Provincial Police Office, nga posibleng adunay gikalambigitan sa third party ang maong pagpusil-patay hinungdan nga gidali sa pag-intercept sa kapulisan ang maong suspitsado gumikan sa posibleng pag-escalate sa krimen.
Sigon ni Pelare, dakong tabang, ang pagpapakig-alayon sa Toledo City Police Office sa pagkasikop sa suspek gumikan kay matud pa, aduna usab kabanay niini nga sakop usab sa kapulisan nga nakig-koordinar sa pagkadakop niini.
Kasamtangan karon nga balhug sa prisohan sa Sawang Calero Police Station si Jerome Abella ang suspek sa pagpusil-pat*y sa usa ka pharmacist nga si Marjorie Llaguno, 41 anyos, niadtong adlawng Martes sa udto sa bahin sa V.Rama Avenue, Barangay, Calamba, Cebu City.
