Ipatuman sa Bureau of Fisheries and Aquatic Resources ang tulo ka bulan nga closed fishing season para sa sardines sa Fisheries Management Area 9.
Magsugod ang sardine ban karong Disyembre 1, 2026 hangtod Marso 1, 2027.
Ilalom sa Fisheries Administrative Order No. 278, tumong sa lakang nga mapanalipdan ug mapasig-uli ang sardine population nga nakapakunhod tungod sa overfishing.
Lakip sa sakop sa ban ang pipila ka fishing gears nga gigamit sa municipal ug commercial fishing vessels, subay sa mga exemption nga gitakda sa order.
Sa Central Visayas, lakip ang Probinsya sa Bohol ug Siquijor sa mga Probinsyang sakop sa fma 9, samtang, lain usab nga closed season ang gipatuman sa Visayan Sea ilalom sa Fisheries Administrative Order No. 167-3.
Gipugngan niini ang pagpanakop, pagpalit, pagbaligya ug pag-transport sa mga sakop nga isda, lakip ang mga fry, larvae ug batang isda ug mga species nga gitumong sa proteksyon ang tuloy, tamban, tabagak, balantiyong, guma-a, bulao ug hasa-hasa.
Sakop sa visayan sea closed season ang mga parte sa kadagatan nga nakalambigit sa Ilo-ilo, Capiz, Negros Occidental ug Cebu, lakip na ang bantayan island.
Ang makalapas sa regulasyon posibleng mapahamtangan og multa ug pagkapriso, depende sa klasipikasyon sa paglapas, ug subay sa Amended Fisheries Code o Republic Act 10654.
Sa pikas bahin, matud ni Bfar-7 regional director mario ruinata, pahugtan pa nila ang information campaign alang sa mga mananagat mahitungod sa nasinati nga el niño, diin ilang gipanglantawan sa ahensya ang posibleng risgo sa kainit sa kadagatan nga makaapekto sa pangisda, aquaculture ug kinabuhi sa mga mananagat.
